Al Bambinein (di Ernesto Colombani)

Babbo Natale, tütt il sann,

l'è vegn föra da un quäich ann.

In dialëtt gh'è gnanca al num,

figürumas al suarnum.

Noi tütt quant g'um al Bambein,

anzi, giüsta, al Bambinein.

D'ann dumila e un briz ad pö,

lü tütt i'ann a l'è chemò.

Äsan, bö, un paiòn, la mär

e un po' scus anca so pär.                                          

Po la stëlla in dal ciel scür, 

che a dudz'ur la dà un s'ciarur.

L'è al cunturan ad l'eveint

c'ha purtä al cambiameint.

Renna e lesa tütt du in äria? 

Pena roba immaginäria!

Al pansòn col capplein russ

e i regäi scundì dré l'üss?

Tütta roba ac passa via;

pri piccin, una magia.            

Al Bambein l'è n'ätra storia.

Sì! Dabbon, a l'è la storia.

Po at pö crëd o crëdag mia

ma ad sicür l'è mia magia.