Il nostro poeta dialettale Ernesto Colombani è stato vinto dalla sua indole pessimistica. Sembra diventato il più noto recanatese proprio nel momento del più profondo pessimismo cosmico anzi del periodo in cui scrisse “A se stesso”. Così ci offre una visione di alcuni accadimenti piacentini che gettano un’ombra sinistra (da non intendersi politicamente per favore…) sulla nostra città. Speriamo ora in una futura “Ginestra” dove emerga almeno in senso di solidarietà leopardiano per poterci riprendere».

Gi.Ro.

Povra Piaseinza (di Ernesto Colombani)

Poar noi, la mé Piaseinza,

ad disgrázi l’è mäi seinza.

Dop i mort ad pandemia,

che gnanmò i finissan mia,

gh’è i’impres che i säran sö

e ag n’è tropp, as nin pö pö.

L’um vist fä anca ai C.C.!

Brütta storia, gnint da dì.

L’è stä un fatt acceziünäl,

dsiva al titul dal giurnäl.

‘La caserma col cadnass’.

Che nutizia, che gran s’ciass!

S’è mäi datt, di Carabàn

a cà ad Tondi co’i villan.

S’è mäi datt, è mäi süccéss,

sum tütt quant armast ad gess.

Inmardä la Benemerita!

Brütta roba, an la merita.

Al risvolt, però, pürtropp,

al va svelt, al va ’l galopp.

E tütt noi, i piasintein,

sum zà sgnä cmé s’fisma grein.

Sérma ’d vant i primugénit,

dess g’arum da pagä al debit.

Zà, dill banch con scritt sö ‘Cassa’,

i pramzàn i’hann fatt manbassa.

(E i frances, pössé fignan,

i’hann ciappä tütt quant in man.)

Zà, um pers da l’autusträ,

al noss num ad la cittä.

Po i fürb, chi dal cartlein,

i’hann fatt rid anca i pullein.

Mia vöin, o dü, o tri; una squädra, un reggimeint,

pär ch’i fissan metä ad seint.

Po al quädar ch’i’hann sgranfgnä,

che però i’hann fatt cattä.

Dess i strä ch’ì’enn tütt dsüpä,

n’as pö quäsi pö passä.

Scarabocc’ ad cà e purton ...

oh Signur! Che gran ghignòn.

Ché an gh’è pö ’d diriginza

e gnanmò pardum paziinza!

Am sa dvis che da ché un po’

angarum in dal noss Po.